छत्रपती शिवाजी महाराजांच्या ‘करारी लूक’मध्ये लाडका रितेश !

शिवाजी महाराजांच्या जीवनावर आधारित चित्रपटात महाराजांच्या भूमिकेत रितेश देशमुख झळकणार आहे. छत्रपतींनी सामान्य मावळ्यांना एकत्र करुन जुलमी सत्तेच्या विरोधात उभा केलेला रोमहर्षक ऐतिहासिक रणसंग्राम मोठ्या पडद्यावर पाहायची संधी यामुळे प्रेक्षकांना मिळणार आहे. या चित्रपटाची घोषणा झाल्यापासून रितेशच्या चाहत्यांमध्ये सळसळता उत्साह पाहायला मिळत आहे.

‘छत्रपती शिवाजी’ चित्रपटाचे दुसरे पोस्टर रितेशने प्रदर्शित केले आहे. पहिल्या पोस्टरमध्ये रितेश छत्रपतींच्या प्रतिमेसह दिसला होता. यावेळी रितेशचा खऱ्या अर्थाने संपूर्ण चेहऱ्याचा लूक दुसऱ्या पोस्टरमध्ये दिसत आहे.
या भव्य चित्रपटाची निर्मिती जेनेलिया देशमुख करणार असून राष्ट्रीय पुरस्कार विजेते दिग्दर्शक रवी जाधव याचे दिग्दर्शन करणार आहेत.